Austurvígstöðvarnar [IS]

https://www.facebook.com/austurvigstodvarnar/

 

Saga bandsins

Austurvígstöðvarnar voru stofnaðar á Reyðarfirði sumarið 2016, en þá voru allir hljómsveitarmeðlimir

ýmist búsettir þar eða á Eskifirði. Stofnfélagar voru Davíð Þór Jónsson, söngvari og laga og textasmiður, HelgaElísabet Beck Guðlaugsdóttir, bassaleikari og Jón Knútur Ásmundsson, trommari.

Smám saman bættust fleiri í hópinn, fyrst Jón Hafliði Sigurjónsson, gítarleikari, þá Þórunn Gréta Sigurðardóttir, hljómborðsleikari og loks Díana Mjöll Sveinsdóttir, söngkona. Austurvígstöðvarnar eru sérlega stoltar af kynjahlutfallinu í bandinu. Markmið sveitarinnar hefur frá upphafiverið að flytja blóð hráa, grimmpó litíska, andfasíska pönktónlist. Kveikjan að stofnun sveitarinnar var uppsafnað óþol fyrir pólitískri spillingu og misbeitingu valds á Íslandi. Hvert hneykslismálið af öðru varð sveitinni innblástur og mörg laganna eru bein viðbrögð við atburðum sem afhjúpa siðferðislega rotið stjórnvald. Því miður bendir fátt til að sveitin verði uppiskroppa með yrkisefni í fyrirsjáanlegri framtíð. Á meðan félagslegt óréttlæti veður uppi hafa Austurvígstöðvarnar skuldbundið sig til að öskra sannleikann yfir gauðrifna gítara, drynjandi bassatóna og dúndrandi trommuslátt. Sannleikurinnmun gjöra yður frjálsa.

https://www.youtube.com/watch?v=61it6sVfZYQ